HISTORIA
Euskal Herriko Jarduera Fisiko eta Kirolaren Zientzietako Lizentziatuen Elkargo Ofiziala da Espainiako Gorputz Hezkuntzako Lizentziatuen Elkargoen Kontseilu Nagusitik banantzen lehena, eta gure estatutuak 1998ko urrian argitaratu ziren. Profesionalen Elkargoei buruzko Legean xedatutakoaren arabera, elkargoko kide izatea nahitaezkoa da Jarduera Fisikoaren eta Kirolaren Zientzietako lizentziadun guztientzat, baldin eta sektore pribatuan lan egiten badute. Baina elkargoko kide egitea ez da derrigortasunari erantzutea soilik. Elkargoak beste hainbat eginkizun eta zerbitzu interesgarri ditu edozein profesionalentzat:
-
Sektore pribatuko langileen legezko egoera gainbegiratzea.
-
Gorputz-hezkuntzaren eta Kirolaren inguruko informazioa zabaltzea.
-
Ikastaroak, kongresuak eta hitzaldiak antolatzea.
-
Gorputz-hezkuntzaren eta Kirolaren eremu profesionala kontrolatzeko eginkizuna betetzea, elkargokideei aholkuak emanez eta salaketak betez.
-
Jarduera Fisikoaren eta Kirolaren Zientzietako lizentziatuen interesak defendatzea.
-
Lan-poltsa bat sortzea, lan-eskaintzak jaso eta bideratuz.
-
COLEF Kontseiluak argitaratutako aldizkaria zabaltzea (Revista Española de Educación Física y Deportes).
-
Elkargokideentzat interesgarriak izan daitezkeen eskaintzak kudeatzea (eskaintzak eta deskontuak: Gorputz-hezkuntzako materiala; ikastaroak, kongresuak eta hitzaldiak, argitalpenak, etab.).
-
Elkargokideei Erantzukizun Zibileko Asegurua ematea.
-
Elkargokideei Aholkularitza Juridikoa eta Lan-aholkularitza ematea. Beharrezkoa da lizentziatuok elkargo batean elkartzea, harreman antolatu bat ezartzeko eta gure interesak batera defendatzeko.
Jakin badakigu une honetan zaila dela Elkargoak azaldu dizkizugun funtzio guztiak osorik betetzea. Gure eskola oraindik ez da indartsua. Baina elkarte baten indarra, lehenik eta behin, elkarteko kideen kopuruan oinarritzen da, eta, horregatik, guztiz beharrezkoa da lizentziadun guztiok elkargoko kide egitea. Guztion artean Euskal Herriko Jarduera Fisiko eta Kirolaren Zientzietako Lizentziatuen Elkargo Ofizial indartsu eta eraginkor bat eraiki ahal izango dugu.
